Veke 13

Hei og god fredag!

Nok ei veke er omme.
Veka starta med nedbør og store sølepyttar ute på leikeplassen, men resten av veka har vi hatt sol og opplett. Natalie starta hos oss på Tyrihans denne veka, ho er ei jente på snart 2år som har komt veldig fint inn i gruppa vår.

Tysdag delte vi gruppa i to, nokon var på tur på Kyrkjevegen, resten var igjen å laga påskepynt i barnehagen. 

Våren er komen, den fyste hestehoven

Onsdag var den internasjonale vaffeldagen, så Eva-Birthe diska opp med vafflar til oss.

Vaffeldagen 25 mars

Barna på Tyrihans har laga kjempefine bilete av påskyllingar og påskekyllingar som ein kan ha i blomsterpotta til pynt. Resten av veka har vi leika inne og ute i barnehagen.

Fredag fekk vi servert fiskepinner, potet og grønnsaker.

Ynskjer alle ei god helg og god påske til dei som vi ikkje ser i nest veke!

Helsing Marianne, Sølvi, Lena og Lise

Veke 12

Heisann alle saman!

Torsdag denne veka hadde vi besøk av to damer, begge med namnet Ingvild. Dei hadde ei førestilling for oss som besto av musikk, bilete og folkesongar frå Noreg, Sverige og Malawi. Det var song og det blei spelte med ulike instrument som tromme og klokkespel. Etter førestillinga fekk barna prøve instrumentene og sjå nærare på bileta. 

Perling på avdelinga

Fredag hadde vi ei lita samling med dyrene i Afrika. Inne på rommet på avdelinga sto det ein koffert å lyste opp midt i rommet, lyset var dempa. Barna fekk trekke dyr og vi song om dei ulike dyra. Det var nokre kjende songar og nokre nye som vi må øve oss meir på. 

Fredag fekk vi servert hamburger til lunsj.

Ynskjer alle ei fin helg!

Helsing Marianne, Lena, Sølvi og Lise

Veke 11

God fredag!

Denne måndagen starta to nye barn på Tyrihans, Saga og Erling. Dei er begge rundt 1år gammal og vi gleder oss til å bli betre kjende med dei. 

Tysdag starta brått med ein mørklagt barnehage, det var ganske kosleg i grunn. Etter ein time i mørket kom heldigvis straumen tilbake. Denne dagen var det også den store Barnehagedagen der vi hadde invitert foreldre til å ta del i markeringa. Slagordet i år var
"Vi vil ut!" og omhandla barenhagen sitt arbeid med natur og friluftsliv. Bakteppet er Friluftslivets år 2015. Sidan dei nye barna skal få ein trygg og roleg start valte vi å dele gruppa i to. Nokon av ei eldste barna var med ut på markeinga, mens resten var igjen inne. 

 På markeringa var det rebusløp oppe på Haugen, med ulike postar om blant anna kva som er namnet til hovudpersonen i filmen "Frost". Alle fekk stempel på handa si ved endt post. Nede igjen i barnehagen hadde Monika ei magisk samling om "Reven som gjeter". Vi avslutta med deilig lapskaus inne på avdelinga.

Monika dramatiserer eventyret om "Reven som gjeter"

Rebusløp på Haugen

Resten av veka har vi hatt nydeleg vårvèr, så vi har vore mykje ute å leika. 

Ynskjer alle ei fin helg!

Helsing Marianne, Lena, Sølvi og Lise

Veke 10

God fredag! 

Håper alle saman har hatt ei strålande veke. No nærmar det seg helg, men først ei lita oppsummering over veka som har gått.

Vi har endeleg starta med grupper igjen! 

Tysdag var halvparten av barnegruppa på tur med Lise og Sølvi på Kyrkjevegen, mens andre halvparten var igjen i barnehagen å leika. På turen møtte vi Soria Moria, så vi leika litt saman med dei i skogen. Det ulente terrenget gjorde det utfordrane for balansen, men til god trening for grovmotorikken. Det blei litt knall og fall!

Tur på Kyrkjevegen

Torsdag delte vi oss i grupper igjen. Dei som ikkje hadde fått vere med på tur fekk seg ein tur ut i regnvèret saman med Marianne og Lena. Det blei ein spasertur mot Kyrkjevegen, rundt rundkjøringen og tilbake til barnehagen. Regnet pistra mot dei små anleta og dei var kalde på henda. Så det var godt å kome inn igjen i barnehagen. Barnegruppa leika litt på avelinga til Flåklypa før det var tid for lunsj. 

Vi har også hatt tid til innleik på avdelinga, med frileik, teikning, pusling og lesing av bok. Onsdag og fredag har det vore sol og opplett, så vi har vore ute i et fine vårvèret, vi har dissa, seilt i seilebana, gravd i sandkassen, leika i sølepyttane og sykla. 

Fint vårvèr i barnehagen!

Fredag åt vi fiskekaker i pita med salat. 

Ynskjer alle ei fin helg!

Helsing Marianne, Lena, Sølvi og Lise